Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին
Հայտնի է դարձել Գյումրու թիվ 40 դպրոցի տնօրենի անունը: ՀՀ փոխվարչապետ Արարատ Միրզոյանի որոշմամբ, այդ պաշտոնը կզբաղեցնի Մարմաշենի միջնակարգ դպրոցի ուսուցիչ Հայկ Հարությունյանը: Հայկ Հարությունյանն ու ևս 7 թեկնածու դեռ սեպտեմբերի 11-ին էին մասնակցել Գյումրու թիվ 40 դպրոցի տնօրենի թափուր տեղի համար հայտարարված մրցույթին: Այդ օրը գրեթե 5 ժամ տևած մրցույթի ավարտից հետո 8 թեկնածուից 4-ն էին հավաքել բարձր միավորներ, գրում է Armtimes.com-ը: Սեպտեմբերի 12-ին դպրոցի կառավարման խորհուրդն առկա արդյունքները հաշվի առնելով՝ մրցույթի երկրորդ փուլ էր կայացրել: Արդյունքում 3-ական միավոր էին ստացել Լիանա Մարդոյանը և Հայկ Հարությունյանը, մեկ միավոր՝ Քրիստինե Վարդանյանը: Նրանցից ոչ մեկը, սակայն, չէր ընտրվել տնօրենի պաշտոնում: Առավելագույն ձայներ հավաքած 3 թեկնածուների անունները կառավարման խորհուրդ սեպտեմբերի 13-ին ուղարկել էր ՀՀ փոխվարչապետ Արարատ Միրզոյանին: Վերջինս էլ որոշել և նրանցից թիվ 40 դպրոցի տնօրեն է նշանակել Մարմաշենի միջնակարգ դպրոցի կենսաբանության ուսուցիչ Հայկ Հարությունյանին: Հիշեցնենք, որ թիվ 40 հիմնական դպրոցում տնօրենի աթոռը թափուր էր մնացել հունիսի 11-ից, նախկին տնօրեն Արսեն Ալեքսանյանի կալանավորման պատճառով: Վերջինիս նկատմամբ մայիսի 5-ին քրեական գործ էր հարուցվել՝ ՀՀ Քրեական օրենսգրքի 314 հոդվածի 1-ի մասի և 178 հոդվածի 3-րդ մասի 1-ին կետի հատկանիշներով՝ ենթադրյալ պաշտոնեական կեղծիք կատարելու, ինչպես նաև նրա ու մի խումբ այլ անձանց կողմից առանձնապես խոշոր չափերով, խարդախության եղանակով գումար հափշտակելու վերաբերյալ։ Արսեն Ալեքսանյանն արդեն ազատ է արձակվել, քանի որ վերականգնել է պետությանը պատճառած ավելի քան 11 միլիոն դրամի վնասը: |
«Բուհի դիպլոմ չունենալու պատճառով Տավուշում աշխատանքից ազատել են 55 ուսուցչի»․ Ոսկան Սարգսյան
486Երեկ, 10:48«Ահագուժող դիտարկումները, թե այսօր-վաղը ինչ-որ բան է պատահելու, անտեղի են». Ժաննա Անդրեասյան
121923.03.2024, 23:48100-ից ավելի գիտնականներ պահանջում են խոտանել «Հայոց պատմության» 7-րդ դասարանի դասագիրքը
164922.03.2024, 18:18ՀՀ-ում 7 բուհ չունի ռեկտոր․ իշխանությունը «ենթարկվող» մարդկանց է փնտրում
191921.03.2024, 23:18«Այդ հարցն ինձ համար սպառված է». ԿԳՄՍ նախարար (տեսանյութ)
167821.03.2024, 12:18Գեղարքունիքում աշակերտին բռնության են ենթարկել «գանգուր մազերի ու լավ սովորելու համար» (տեսանյութ)
124420.03.2024, 16:06