Երևան`   +10 °C
Այսօր`   Հինգշաբթի, 28 մարտի, 2024 թ.

«Շիրակի պետհամալսարանի թալանչիական հաստիքացուցակը (փաստաթղթեր)». Գագիկ Համբարյան

854
Երեքշաբթի, 12 հունիսի, 2018 թ., 10:25
«Շիրակի պետհամալսարանի թալանչիական հաստիքացուցակը (փաստաթղթեր)». Գագիկ Համբարյան

ՇՊՀ նախկին դասախոս Գագիկ Համբարյանը ֆեյսբուքյան իր էջում գրել է. «Չնայած Շիրակի պետհամալսարանի նախկին ռեկտոր Սահակ Մինասյանին «ցտեսություն» ասացին բուհից, բայց հասցրեց պաշտոնական վերջին վատությունը գործել համալսարանի հանդեպ... Կրթական գործի սույն Կոլումբոսը, ով բուհ մտավ դարակազմիկ փոփոխություններ անելու և, չծիծաղեք, կոռուպցիայի դեմ պայքարելու առաքելությամբ, ինչպես և սպասվում էր, շատ շուտով ցույց տվեց իր իրական դեմքն ու նպատակները... Գլխավոր խնդիրը, որն իր առջև դրել էր Սահակ Մինասյանը՝ նախկին ռեկտորից ժառանգած 500 միլիոն դրամի (+բյուջեի 242 273 000 դրամ բացասական շեղումը և այլն) մսխումն էր և սեփական ֆան-ակումբի ձևավորումը, որը պետք է բոլոր պայմաններում կանգներ Մինասյանի կողքին...

ՇՊՀ-ի թալանի մեխանիզմներից մեկը դարձավ «ՇՊՀ աշխատակազմի և հաստիքացուցակի» կազմումը... Եթե 2015-16 թթ-ին, նախկին ռեկտորի օրոք, երբ բուհը այդ ուսումնական տարում ուներ 3174 ուսանող և 108 հաստիքային միավոր, ապա պատկերը կտրուկ փոխվեց Սահակ Մինասյանի օրոք... Այսպես, համալսարանի ծախսերը կրճատելու քողի տակ սույն վահատամբավ կոռումպացվածը լուծարեց 2 ֆակուլտետներ և տասից ավելի ամբիոններ, որոնց փոխարեն հատուձևավորվեցին «մուտանտ» ամբիոններ... Այսպես՝ յուրայիններին բավարարելու նպատակով ստեղծվեց «Աշխարհագրության, կենսաբանության և քիմիայի», ինչպես նաև «Մաթեմատիկայի, ֆիզիկայի և տեղեկատվական տեխնոլոգիաների» ամբիոններ... Այսպիսի խայտառակություն ոչ մի համալսարանում չկա... Օպտիմալացնելով ֆակուլտետները, ամբիոնները և կրճատելով բազմաթիվ մարդկանց՝ Մինասյանը միևնույն ժամանակ ավելացրեց բուհի աշխատակազմում աշխատողների թվաքանակը... 2016-17թթ-ին, երբ բուհն ուներ ընդամենը 2508 ուսանող,հաստիքների թիվն ավելացավ մինչև 141-ի՝ գերազանցելով նախորդը 33-ով... Սակայն դավադրությունների տեսության սիրահար և հայտնի կեղծարար Մինասյան ինքն իրեն կդավաճաներ, եթե հերթական հարվածը չհասցներ ՇՊՀ-ին... Նա կազմակերպեց նոր կառուցվածքային փոփոխություն, որը երկրորդն էր մեկ տարվա մեջ... Զարմանալին այն է, որ այս փոփոխությունը շատ արագ հաստատվեց բուհի հոգաբարձուների խորհրդի նախագահ Ֆելիքս Ցոլակյանի կողմից... Ըստ 2018-ի ապրիլի 26-ին հաստատած հաստիքացուցակի՝ 2581 ուսանող ունեցող ՇՊՀ-ում աշխատակազմի հաստիքային միավորը կազմում է 173,75՝ 32,75-ով ավել մեկ տարի առաջ հաստատված հաստիքացուցակից և 65,75-ով ավել երկու տարվա կտրվածքով...
Հետաքրքիր է, ո՞ւմ հաշվին է այդ խրախճանքը կազմակերպվում բուհում... Հավելեմ, որ ՇՊՀ կայսեր իրեն երևակայող սույն թալանչին չէր փոխել նաև աշխատավարձի չափաքանակը, որը ժամանակին մեծ սկանդալ առաջացրեց Հայաստանում... Իրեն՝ սիրելիին՝ Մինասյանը կրկին սահմանել էր 700 հազար դրամ աշխատավարձ, իսկ իր ֆան-ակումբի ներկայացուցիչների համար 200-400 հազար դրամ աշխատավարձեր էր սահմանել, երբ դասախոսական անձնակազմի միջին աշխատավարձը չի գերազանցում 70-80 հազար դրամը... Միայն մեկի՝ բժշկի աշխատավարձն էր կրճատել՝ 250 հազար դրամից նվազեցնելով 125 հազար դրամի...
Այս խայտառակ հաստիքացուցակից նաև այլ զավեշտալի փաստեր են ի հայտ գալիս... Այսպես, «Հյուրատան գործունեության և հասարակական սննդի կազմակերպման բաժնի» համար, ռեստորանահոթելային գործի սիրահար Մինասյանը հատկացրել է 17 դրույք, իսկ, ասենք, Բնագիտամաթեմատիկական ֆակուլտետին՝ 12,75 դրույք, Հումանիտար գիտությունների և արվեստի ֆակուլտետին՝ 15,75 դրույք, Սոցիալական գիտությունների ֆակուլտետին՝ 9,75 դրույք... Հետաքրքիր է, ինչպե՞ս կարելի մեկնաբանել այն փաստը, որ 566 ուսանողներ ունեցող Մանկավարժության ֆակուլտերին, կրթական գործի մեծն կազմակերպիչ Մինսայանը տրամադրում է 6,5 դրույք, իսկ ասենք 231 ուսանող ունեցող Ռազմական ամբիոնին 6 դրույք, երբ այս ամբիոնի վարիչը ընդգրկված չէ բուհի հաստիքացուցակում և վճարվում է ՀՀ ՊՆ-ի կողմից... Հաստիքացուցակից պարզվում է, Սահակ Մինասյանի համար բուֆետ և ֆան-ակումբ պահելը և անընդհատ գնումներով զբաղվելը ավելի կարևոր է, քան ուսանող կրթելը և գիտությամբ զբաղվելը... Իսկ այս ամենի հետևում մեկ նպատակ կա՝ բուհի հաշվին հարստանալը...