Երևանի թիվ 11 դպրոցի տնօրենը հրաժարական է տվել. ոչ պաշտոնական

Երևանի թիվ 11 դպրոցի տնօրեն Ռուզան Ազիզյանն, ըստ ոչ պաշտոնական տեղեկատվության, հրաժարական է տվել:

Ինչպես արդեն հայտնել էինք, այսօր ևս դպրոցում դասադուլը շարունակվել է: Դպրոց է ժամանել Երևանի քաղաքապետարանի հանրակրթության վարչության պետի տեղակալը:

Հիշեցնենք՝ ըստ անձնակազմի, մայիսի 2-ից, երբ Երևանում բողոքի ակցիաներ էին, դպրոցի տնօրենը փակել էր դպրոցի դուռը՝ թույլ չտալով աշակերտներին դուրս գալ: «Իմ քայլը» շարժմանը միացած ուսուցիչներին սպառնացել էր, որ աշխատանքից կհեռացնի: