Collins բառարանն անվանել է 2026 թվականի տարվա բառը

Collins բառարանը տարվա բառ է անվանել «mogging» բայը, որն առաջացել է ինտերնետային ենթամշակույթների միջավայրում և նշանակում է գերակայություն կամ գերազանցություն ինչ-որ մեկի նկատմամբ։

«Երբևէ ունեցե՞լ եք այն զգացողությունը, որ ձեր շրջապատում բոլորը ձեզնից մի փոքր ավելի բարձր, վառ ու տպավորիչ են։ Շնորհավորում ենք, դուք ենթարկվել եք «մոգինգի» (mogging)։ 2026 թվականի համար Collins-ի կողմից «տարվա բառ» հռչակված «մոգինգ»-ը նկարագրում է մի իրավիճակ, երբ ինչ-որ մեկը կամ ինչ-որ բան գերազանցում է ձեզ կամ ստվերում ձեզ՝ արտաքին տեսքի, ինքնավստահության կամ սոցիալական կարգավիճակի տեսանկյունից ձեզ ավելի անբարենպաստ դիրքում դնելով»,- ասվում է Collins-ի մամուլի հաղորդագրության մեջ։

Բառարանի ցուցակում է հայտնվել նաև «carspreading» եզրույթը, որը նկարագրում է ավտոարտադրողների՝ գնալով ավելի երկար, լայն և ծանր տրանսպորտային միջոցներ արտադրելու միտումը։

Քաղաքական կատեգորիայում կարճ ցուցակում ընդգրկվել է նաև «manchesterism» եզրույթը՝ փիլիսոփայություն, որը կապվում է Մեծ Բրիտանիայի վարչապետ Էնդի Բերնհեմի անվան հետ և ենթադրում է լիազորությունների փոխանցում տարածաշրջաններին։