«Ուսումնասիրվում են ՀԷՑ-ի 100 տոկոս բաժնետոմսերի սեփականաշնորհման գործարքի պայմանները»․ Դավիթ Խուդաթյան

ՏԿԵ նախարար Դավիթ Խուդաթյանը ֆեյսբուքյան իր էջում գրել է. «2015 թվականի նոյեմբերի 16-ից մինչև 2017 թվականի դեկտեմբերի 31-ն ընկած ժամանակահատվածում «Հայաստանի էլեկտրական ցանցեր» ՓԲԸ-ի 100 տոկոս բաժնետոմսերի նկատմամբ սեփականության իրավունքը երեք փուլով փոխանցվել է Սամվել Կարապետյանին և նրա ընտանիքին պատկանող «Liormand Holding Limited» օֆշորային ընկերությանը՝ շուրջ 18 մլրդ ՀՀ դրամի դիմաց։
Մինչդեռ 2017 թվականի դեկտեմբերի 31-ից մինչև 2025 թվականի հուլիսի 18-ը՝ ժամանակավոր կառավարչի նշանակման օրը, «Հայաստանի էլեկտրական ցանցեր» ՓԲԸ-ից շահաբաժինների տեսքով դուրս է բերվել շուրջ 24 մլրդ ՀՀ դրամ։
«Հայաստանի էլեկտրական ցանցեր» ՓԲԸ-ի 100 տոկոս բաժնետոմսերի սեփականաշնորհման և դրանց նկատմամբ սեփականության իրավունքի հետագա փոխանցման գործարքների պայմանները ներկայումս ուսումնասիրվում են»։