Թուրքիայի մետալուրգիական գործարանում պայթյուն է տեղի ունեցել

Թուրքիայի արևմուտքում՝ Իզմիր նահանգի Ալիաղա շրջանում գտնվող Habaş մետալուրգիական գործարանում պայթյուն է տեղի ունեցել, հրդեհ է բռնկվել։ Այս մասին հայտնում է Akşam թերթը։

«Նախնական տեղեկություններով՝ կան բազմաթիվ զոհեր և վիրավորներ»,- հայտնում է NTV հեռուստաալիքը՝ հղում կատարելով դեպքի վայրում աշխատող իր թղթակցին:

A Haber հեռուստաալիքի հաղորդմամբ՝ պայթյունի հետևանքով երեք մարդ է զոհվել, 14-ը՝ վիրավորվել, ևս 10-ը մնացել են փլատակների տակ:

Զոհերի և տուժածների ստույգ թիվը, ինչպես նաև դեպքի պատճառները ճշտվում են։