«Վաղը վարչական շրջանի ղեկավարը հանդիպելու է ծնողների հետ»․ Տիգրան Ավինյան

«Վաղը վարչական շրջանի ղեկավարը հանդիպելու է ծնողների հետ և քննարկում պետք է ունենա այդ թեմայի շուրջ, որպեսզի մի քանի տեսանկյունից հարցին մոտենանք և հասկանանք առաջին հերթին տնօրենի պրոֆեսիոնալ որակները և երկրորդ՝ հրապարակված տեսանյութը»,- ճեպազրույցի ժամանակ ասել է Երևանի քաղաքապետ Տիգրան Ավինյանը՝ անդրադառնալով երեկ համացանցում տարածված երաժշտական դպրոցի տնօրենի հետ կապված տեսանյութին։
«Ինչ վերաբերում է ընտանեկան միջադեպին՝ ես որքան գիտեմ շորթման գործով տնօրենի կողմից հաղորդում կա տրված ոստիկանություն, և որքանով ընկալում ես երևույթը՝ զազրելի, տգեղ բան է արված. անձնական, ներքին խոհանոցի մեջ թույլ տվեք չխորանալ»,- նշել է Ավինյանը։

Հիշեցնենք՝ երեկ համացանցում տեսանյութ էր տարածվել Աջափնյակ վարչական շրջանի Միքայել Միրզոյանի անվան երաժշտական դպրոցի տնօրեն Իրինա Մկրտչյանի մասնակցությամբ։ Տեսանյութը քննադատությունների թեմա էր դարձել։