«Վարչապետը ցանկացած իրադրության մեջ ունի պատասխաններ, միայն թե կարողանա գործը գլուխ բերել»․ Մամիկոն Ասլանյան

«Վարչապետը ցանկացած իրադրության մեջ ունի պատասխաններ, որոնք որևէ կերպ կարող են օբյեկտիվ իրականությունից չելնել, միայն թե կարողանան գործը գլուխ բերել»,- ճեպազրույցի ժամանակ ասել է ԱԺ «Ուժեղ Հայաստան» խմբակցության պատգամավոր Մամիկոն Ասլանյանը՝ խոսելով առաջիկա ՏԻՄ ընտրություններում համայնքների՝ նախկինում ընդդիմադիր ղեկավարների՝ ՔՊ ցուցակով առաջադրվելու մասին։ «Ամեն մարդ, ամեն թեկնածու ինքն է իր բարոյականությամբ, քաղաքական էթիկայով և ընդհանրապես ապրելակերպով պատասխան տալիս ցանկացած ընտրության համար։ Իշխանությունը տարբեր մեթոդներով՝ քրեական վարույթներով, ապօրինի գույքի բռնագանձման սպառնալիքներով վախեցնում է ՏԻՄ ղեկավարներին։ Իշխանությունն այնքան է խառնվել իրար, որ օրինականն ու անօրինականը խառնել են իրար, միայն թե հարմարեցնեն տվյալ համայնքի ղեկավարի լիազորությունները դադարեցնելուն կամ երկարացնելուն։ Իրենք այս ամենը վեր են ածել գործիքի՝ մենիշխանություն հաստատելու համար»,- շարունակելով թեման՝ ասել է ընդդիմադիր պատգամավորը։