«ՀՖՖ նախագահ Արմեն Մելիքբեկյանը` էշին նստած․ բողոքի ակցիա` ֆուտբոլային խաղի ժամանակ»․ Սյուզի Բադոյան

Լրագրող Սյուզի Բադոյանը ֆեյսբուքյան էջում տեսանյութ է հրապարակել՝ Հայաստան - Լատվիա հանդիպումից, որն անցկացվում է Երևանի Վազգեն Սարգսյանի անվան «Հանրապետական» մարզադաշտում, և կից գրել է․ «ՀՖՖ նախագահ Արմեն Մելիքբեկյանը՝ էշին նստած․ բողոքի ակցիա՝ ֆուտբոլային խաղի ժամանակ»։

Տեսանյութում երևում է, թե ինչպես են Հայաստանի ազգային հավաքականի երկրպագուները ծածանում պաստառ, որի վրա ՀՖՖ նախագահ Արմեն Մելիքբեկյանի ծաղրանկարն է՝ Քաջ Նազարի կերպարով՝ ավանակի վրա նստած։