«Այս միջադեպն ինձ հիշեցրեց ՄԻԵԴ-ում Ադրբեջանի դիրքորոշումը»․ Արա Ղազարյան

«Այս միջադեպն ինձ հիշեցրեց ՄԻԵԴ-ում Ադրբեջանի դիրքորոշումը»,- այս մասին ԱԺ-ում «Արցախահայերի սոցիալ–տնտեսական, իրավական խնդիրները և լուծումներ» թեմայով ընդլայնված քննարկման ժամանակ ասաց Արա Ղազարյանը՝ անդրադառնալով ՔՊ-ականների պահվածքին։

Նշենք, որ քննարկման մեկնարկից մոտ կես ժամ հետո ՔՊ-ական պատգամավորները և կառավարության անդամները բոյկոտեցին և դուրս եկան։

«Հենց առաջին գործերից սկսած՝ Ադրբեջանը դատարանից պահանջում էր չօգտագործել Արցախի տեղանունների հայկական անվանումները, պետական հանրային մարմինների փաստաթղթերը՝ օրինակ՝ Արցախի Հանրապետության կողմից տրված կադաստրային փաստաթղթերը։ Եվ հենց առաջին օրվանից ՄԻԵԴ-ը մերժել է, որովհետև գործում է հանրային իրավունքը, և, անկախ նրանից, որ Արցախը չճանաչված պետություն է, ՄԻԵԴ-ը Արցախի դատարանների որոշումն է ճանաչել որպես լեգիտիմ դատական ակտեր և դրա հիման վրա է կայացրել որոշումներ»,- ընդգծեց Ղազարյանը