«Մենք կաշկանդվածություն չունենք որևէ բիզնեսում վերահսկողություն անելու»․ Էդուարդ Հակոբյան

«Նիկոլ Փաշինյանի հայտարարությունից հետո Նարեկ Նալբանդյանի բիզնեսներում հարկային պարտավորությունների մասով ուսումնասիրություններ իրականացրե՞լ եք»,- լրագրողը դիմեց ՊԵԿ նախագահ Էդուարդ Հակոբյանին։ «Մենք որևէ կաշկանդվածություն չունենք որևէ բիզնեսում վերահսկողություն անելու, և եթե խոսում ենք տվյալ անձի հետ փոխկապակցված բիզնեսների մասին, միշտ եղել են ստուգումներ՝ առանց բացառության։ Իմ պաշտոնավարման ընթացքում պարբերաբար տարբեր բիզնեսներ հայտնվել են մեր ուշադրության կենտրոնում»,- ի պատասխան ասաց ՊԵԿ նախագահը:

Հիշեցնենք, որ անցած շաբաթ ճեպազրույցի ժամանակ Նիկոլ Փաշինյանը հայտարարել էր, որ իրավապահ մարմիններին հանձնարարել է վարույթ նախաձեռնել Նարեկ Նալբանդյանի նկատմամբ։