Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում

Հայաստանի պատանեկան հավաքականը երկրորդ տարին անընդմեջ լավագույնն է պատանիների ու Մ15 տարեկանների Եվրոպայի առաջնությունում: Այս մասին տեղեկացնում են Հայաստանի ծանրամարտի ֆեդերացիայից։ Պատանիների հավաքականը թիմային հաշվարկում առաջինն է, մինչև 15 տարեկանների ընտրանին՝ 6-րդը: Ծանրորդները նվաճել են 7 ոսկե, 12 արծաթե, 7 բրոնզե մեդալ: Պատանիների հավաքականի ավագ մարզիչը Երվանդ Կիրակոսյանն է, երկրորդ մարզիչը՝ Արսեն Թամրազյանը, աղջիկների թիմը մարզում է Քրիստինե Պետրոսյանը: