Հաղթանակից հետո «Արարատ-Արմենիա»-ն դարձավ առաջին հայկական ակումբը, որը կմասնակցի Եվրոպա լիգայի հիմնական փուլին

Այսօր՝ օգոստոսի 27-ին, Եվրոպա լիգայի 2026/27 թթ. մրցաշրջանի անցումային փլեյ-օֆֆ փուլի պատասխան խաղում Հայաստանի գործող չեմպիոն «Արարատ-Արմենիան» Երևանի Վազգեն Սարգսյանի անվան «Հանրապետական» մարզադաշտում Երևանի ժամանակով 20:00-ին հյուրընկալեց ռումինական «Ունիվերսիտատեա Կրայովային»։

Հանդիպումը մեկնարկեց Երևանի ժամանակով 20:00-ին։ Թիմերի միջև կայացած առաջին խաղն ավարտվել էր ոչ-ոքի (1-1) հաշվով։

Հանդիպման ավելացված ժամանակում մեր թիմը ստացավ 11 մետրանոց հարվածի իրավունք, որը սակայն առաջին փորձից չիրացրեց Բալանտան։ Սակայն հարվածը կրկնելու իրավունք ստացավ մեր թիմը, որն արդեն անվրեպ իրացրեց Լիման։ 1-0 հաշվով երևանյան թիմը հաղթեց հանդիպումն ու ընդհանուր դիմակայությունը։

«Արարատ-Արմենիան» ոչ միայն պատմության մեջ առաջին անգամ կմասնակցի եվրոգավաթային մրցաշարի լիգայի փուլին, այլև առաջին հայկական ակումբն է, որը կմասնակցի Եվրոպա լիգայի հիմնական փուլին։