Ճապոնիայի հարավում 7,1 մագնիտուդով երկրաշարժ է տեղի ունեցել

Ճապոնիայի հարավում՝ Կումամոտոյի պրեֆեկտուրայի ափերի մոտ, 7,1 մագնիտուդով երկրաշարժ է տեղի ունեցել։ Ստորգետնյա ցնցումները գրանցվել են տեղական ժամանակով 16:27-ին՝ Կումամոտոյի պրեֆեկտուրայի կենտրոնական հատվածում գտնվող Ուկի և Հիկավա շրջաններում։ Երկրաշարժի օջախը գտնվել է 10 կմ խորության վրա։

NHK հեռուստաալիքի հաղորդմամբ՝ ուժեղ ցնցումներ են զգացվել նաև Կումամոտոյի պրեֆեկտուրայի Յացուշիրո, Ուտո և Մասիկի շրջաններում։ Հաղորդվում է ավելի քան 50 տուժածի մասին։

Երկրաշարժից հետո Արիակե և Յացուշիրո ծովածոցերի ափամերձ շրջանների համար հայտարարվել է ցունամիի վտանգ։