Թոխմախի գերեզմանատանը հայտնաբերվել է վերջույթները գրեթե ամբողջովին հոշոտված տղամարդու մարմին

Այսօր՝ հուլիսի 18-ին, առեղծվածային ու ողբերգական դեպք է տեղի ունեցել Երևանում։ Ժամը 14։20-ի սահմաններում ՆԳՆ տեղեկություններ են ստացվել, որ Թոխմախի գերեզմանների տարածքում տղամարդու դի կա։ Ինչպես հայտնում է Գագիկ Շամշյանը, շիրմաքարերից մեկի մոտ տեղադրված զրուցարանում համայնքային ոստիկաններն ու պարեկները հայտնաբերել են վերջույթները գրեթե ամբողջովին հոշոտված դի։ Դեպքի փաստով քննչական բաժնում նախաձեռնվել է քրեական վարույթ, որտեղ էլ պարզվում են դեպքի հանգամանքները և մահացածի ինքնությունը։