Երևանի «Արարատ»-ի գլխավոր մարզչի պաշտոնում նշանակվել է Կարեն Բարսեղյանը

267

Շաբաթ, 27 հունիսի, 2026 թ., 19:48

Երևանի «Արարատի» գլխավոր մարզչի պաշտոնում նշանակվել է Կարեն Բարսեղյանը։ Այս մասին հայտնում է ակումբի մամուլի ծառայությունը։

Նոր մարզչի գլխավորությամբ «Արարատը» հունիսի 30-ից կսկսի պատրաստվել 2026/27 մրցաշրջանին։ Բարսեղյանի նախորդ ակումբը եղել է «Գանձասարը»։

Նշենք, որ Բարսեղյանը մարզչական կարիերայի ընթացքում աշխատել է Հայաստանի Պրեմիեր լիգայի մի քանի ակումբներում, ինչպես նաև գլխավորել է Հայաստանի երիտասարդական հավաքականը։