«Ընդդիմությունն այս 8 տարում այդպես էլ չի ստեղծել պայքարի ենթակառուցվածք»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. ««Սոցհարցումը ճիշտ ա, թե սուտ ա» վեճն իրականում այն մասին է, որ ընդդիմությունն այս 8 տարում այդպես էլ չի ստեղծել պայքարի ենթակառուցվածք։
Հիմա ինձ կասեք. «Բայց կան, չէ՞, հասարակական կարծիքի հարցումներ իրականացնող ընդդիմադիր հիմնարկներ»։
Նախ՝ պետք են ոչ թե ընդդիմադիր, այլ անկախ հիմնարկներ։ (Իրականում կան անկախ հիմնարկներ, բայց դուք իրենց չեք հավատում։ Երկրորդը՝ ընդդիմադիր էլ կան, բայց նեղընդդիմադիր պղպջակից դուրս (է՛լ չասեմ. արտասահմանում) իրենք ո՛չ հայտնի են, ո՛չ էլ հանրության վստահությունն են վայելում (այդ թվում 1 կետով նշածս պատճառով)։ Նույնը մեդիայի մասով։ Նույնը իրավ..., ա դե ո՞ր մեկն ասեմ։ Այս մասին 8 տարի է պարբերաբար խոսում ենք, խոսում ենք ու ամեն անգամ դառնում ի շրջանս իւր»։