«Ողջունել կարելի է երեսպաշտությունից հրաժարվելու այս քայլը»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը՝ կից տեսանյութով. «Պաղեստինի ֆուտբոլի ֆեդերացիայի նախագահը հրաժարվել է ՖԻՖԱ նախագահ Ինֆանտինոյի երեսպաշտ առաջարկից և չի սեղմել Իսրայելի ֆուտբոլի ֆեդերացիայի նախագահի ձեռքը: Կանադայում կայացող ՖԻՖԱ համաժողովի ընթացքում Ինֆանտինոն առաջարկել է Պաղեստինի և Իսրայելի ֆուտբոլի ֆեդերացիաների նախագահների ձեռքսեղմում, բայց Պաղեստինի ՖՖ նախագահը հրաժարվել է, ասելով՝ «մենք տառապում ենք»: Միայն ողջունել կարելի է երեսպաշտությունից հաժարվելու այդ քայլը: Իհարկե ոմանք կասեն, թե սպորտը դուրս է քաղաքականությունից: Բայց դա ծիծաղելի է, առավել ևս ՖԻՖԱ պարագայում, որն իր գործունեությամբ ցույց է տվել ուղն ու ծուծով քաղաքականությանն մեջ լինելը: Հակառակ դեպքում, օրինակ, Ռուսաստանի ֆուտբոլի հավաքականը չպետք է զրկվեր միջազգային մրցումների հնարավորությունից, եթե ՖԻՖԱ-ն դուրս է քաղաքականությունից: Օրինակները կարող են լինել շատ: Հետևաբար, Ինֆանտինոյի պահվածքը այլ բան չէ, քան երեսպաշտություն, ինչից էլ հրաժարվել է Պաղեստինի ՖՖ ղեկավարը»։