«Սամվել Ալեքսանյանի ձեռքը չոր քարի տա՞կ է, որ նրան մաքսատուրքից ազատել եք»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Սամվել Ալեքսանյանի ձեռը չոր քարի տա՞կ է, որ նրան 270 միլիոն դրամի մաքսատուրքից ազատել եք
Կառավարությունն իր այսօրվա՝ ապրիլի 30–ի նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց Սամվել Ալեքսանյանի ընտանիքին պատկանող «Միթ Ֆուդ » ՍՊԸ-ին, որի կողմից ներմուծվող հումքը նախատեսվում է օգտագործել մսամթերքի արտադրության համար։ Մաքսատուրքից ազատման արտոնությունը կազմում է 270 միլիոն դրամ։ Ընդդիմադիր պատգամավոր եղած ժամանակ Նիկոլ Փաշինյանը Սամվել Ալեքսանյանին մեղադրում էր շաքարի ներկրման ոլորտում գերակշիռ դիրք ունենալու, Արմեն Իսրայելյանի՝ Ձկնկուլի սպանությանն առնչություն ունենալու մեջ։ Սամվել Ալեքսանյանն էլ ասում էր՝ Նիկոլը մեր ախպերն ա։
Կառավարության տված մաքսային արտոնությունները կոռուպցիոն մեծ ռիսկեր են պարունակում, դրանք տնտեսության մեջ անհավասար մրցակցություն են ստեղծում։ Մաքսային, հարկային արտոնություններ ստացած գործարարները խոշոր նվիրատվություններ են անում իշխանության հետ առնչվող հիմնադրամներին, իշխող կուսակցության կողմից կազմակերպվող դրամահավաքներին»։