Երևան`   +3 °C
Այսօր`   Չորեքշաբթի, 11 մարտի, 2026 թ.

«ՀՀ իշխանությունները կարող են իրենց ավանակի տեղ դնել, բայց ոչ մեզ»․ Տաթևիկ Հայրապետյան

68
Այսօր, 20:12
«ՀՀ իշխանությունները կարող են իրենց ավանակի տեղ դնել, բայց ոչ մեզ»․ Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը. «Ըստ ՀՀ ՊՆ խոսնակի՝ Հայաստանում խաղաղություն է հաստատվել, ուստի այդ տրամաբանությամբ՝ առհասարակ Ադրբեջանի հետ խնդիր չկա։ ՀՀ ղեկավար Փաշինյանն էլ է դա օրական 745 անգամ կրկնում, որ չմոռանա։
Զուգահեռ իրականության մեջ ՀՀ տարածքը շարունակաբար կոչվում է «Արևմտյան Ադրբեջան» զավթողական անվամբ։ Հենց այսօր ադրբեջանական «Report» լրատվականը հետևյալ հրապարակումն է արել․ «Ադրբեջանցի պատգամավոր Ազիզ Ալաքբարլին հայտարարել է, որ Արևմտյան Զանգեզուրի աշխարհագրական անունների բառարանի ստեղծումը հոգևոր վերադարձ է պատմական տարածքներ։
Պատգամավոր Ալաքբարլին այս հայտարարությունն արել է լրագրողներին Զանգեզուրի տեղանուններին նվիրված նոր համապարփակ հրատարակության շնորհանդեսի ժամանակ։
Պատգամավորը նշել է, որ հրատարակված աշխատանքը մեծ նշանակություն ունի Արևմտյան Ադրբեջանի ուսումնասիրության համար և ծառայում է որպես ևս մեկ ապացույց այն բանի, որ Զանգեզուրի շրջանը հին ադրբեջանական տարածք է»։
ՀՀ իշխանությունները կարող են իրենք իրենց ավանակի տեղ դնել, բայց ոչ մեզ։ Մեկ-մեկ ուղղակի անիրական է թվում էս «մառազմի» ու հակատրամաբանության մեջ ապրելն ու աշխատելը»։