Գագիկ Ծառուկյանն արդարացվեց

Հակակոռուպցիոն դատարանը՝ դատավոր Արամ Գրիգորյանի նախագահությամբ, քիչ առաջ ԲՀԿ առաջնորդ Գագիկ Ծառուկյանի գործով հրապարակեց արդարացման վերդիկտը։ «Ճանաչել և հռչակել մեղադրյալ Գագիկ Ծառուկյանի անմեղությունը՝ ՀՀ քրեական օրենսգրքի 154.2 հոդվածի երկրորդ մասով։ Մեղադրյալ Սեդրակ Առուստամյանին մեղավոր ճանաչել ՀՀ քրեական օրենսգրքի 154.2 հոդվածի երկրորդ մասով նախատեսված արարքի կատարման մեջ»,– վերդիկտը հրապարակեց դատավոր Գրիգորյանը։ Վերդիկտի հրապարակումից հետո դատարանն անցավ լրացուցիչ դատալսումների, հաջորդ նիստը նշանակվեց մարտի 23-ին։

Հիշեցնենք, որ Ծառուկյանն ու Առուստամյանը մեղադրվում էին 2017 թվականին Հայաստանում տեղի ունեցած Ազգային ժողովի ընտրությունների ժամանակ ընտրողներին կաշառք տալու մեջ: