«Սամվել Կարապետյանի թիմը պետք է մշակի արագ արձագանք»․ Հակոբ Բադալյան
![]() Քաղաքական մեկնաբան Հակոբ Բադալյանի թելեգրամյան գրառումը. «Ինչպես և սպասվում էր, կառավարող ուժի ներկայացուցիչները լայնորեն ձեռնմուխ են եղել Վիտալի Բալասանյանի հայտարարությունն օգտագործելուն: Բոլորովին զարմանալի չէ, որ կառավարող ուժը թե իր քարոզչության, թե Սամվել Կարապետյանի դեմ հակաքարոզչության համար օգտագործում է Բալասանյանի հայտարարությունը: Իսկ ինչո՞ւ չպետք է օգտագործեն: Իսկ ո՞վ չէր օգտագործի այդպիսի նախընտրական նվերը: Միևնույն ժամանակ, կարծում եմ, որ Սամվել Կարապետյանի թիմը պետք է անուշադրության չմատնի այդ հանգամանքը, ըստ այդմ մշակի արագ արձագանք: Մասնավորապես, անդրադառնալով Բալասանյանի հայտարարության բովանդակությանն ու այդ առնչությամբ հստակ արտահայտելով իրենց դիրքավորումը, որ իրենց պատկերացմամբ «ուժեղ Հայաստանը» այսպես կոչված «միութենական պետության» մեջ գտնվող Հայաստանը չէ, և որ դա պարզապես սադրանք է իրենց դեմ: Քաղաքական մշակված հակազդեցության բացակայության պարագայում հնարավոր է եզրակացնել, որ՝ կամ Կարապետյանը բացարձակ համոզված է իր հաջողության հարցում և չունի այդօրինակ հակաքարոզչության հետ կապված մտահոգություն, կամ՝ չունի հաղթանակի իրական ձգտում: Ինքս, իհարկե, իրավիճակը չեմ գնահատում այդ երկու, այսպես ասած, «ծայրահեղության» տրամաբանությամբ, բավականին էական եմ համարում Սամվել Կարապետյանի գործոնը ներկայիս թե նախընտրական, թե ընդհուպ որոշակիորեն պատմական ժամանակահատվածի համատեքստում, հետևաբար կարծում եմ, որ արձագանքելը կարևոր է»: Աղբյուրը` Հակոբ Բադալյան |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
