Սթոունհենջից հին. Բրիտանիայում հայտնաբերվել է աղջնակի 11000-ամյա թաղում

Բրիտանական Կամբրիայի քարանձավներից մեկում հայտնաբերվել են Բրիտանիայի հյուսիսի ամենահին մարդկային մասունքները՝ շուրջ 11,000 տարի առաջ ապրած 3-ամյա աղջնակի ոսկորներ:

Փոքրիկը, որին հնագետներն անվանել են «Ossick Lass», ապրել է հռչակավոր Սթոունհենջի կառուցումից դեռ 7 հազարամյակ առաջ: Ուշագրավ է, որ այս բացահայտումը կատարել է սիրողական հնագետ Մարտին Սթեյբլսը, ում հաջողվել է ինքնուրույն պեղել սառցե դարաշրջանից պահպանված եզակի շերտերը:

Գիտնականներին հաջողվել է անհավանականը՝ դուրս բերել որակյալ ԴՆԹ այնպիսի հին նմուշից, որը սովորաբար ամբողջությամբ քայքայվում է խոնավության և ժամանակի ազդեցությամբ: Աղջնակի կողքին հայտնաբերված ուլունքներն ու եղջերուի ատամից պատրաստված զարդերը փաստում են, որ նրան հողին են հանձնել հատուկ ծիսակարգով և մեծ հոգատարությամբ:

Այս գտածոն ստիպում է վերանայել պատմությունը. պարզվում է՝ մարդիկ Բրիտանիայի հյուսիսում հաստատվել են սառցե դարաշրջանի ավարտից անմիջապես հետո՝ շատ ավելի վաղ, քան նախկինում կարծում էին մասնագետները: