«Քրեական ռազբորկաների սիրահարներն իրենց զգում են ինչպես ձուկը ջրում». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Շատ վատ է, որ մեր երկրում նման դեպքեր ԴԵՌ գրանցվում են․ Աջափնյակի զինված ռազբորկայի մասին ասում է արդարադատության նախարար Սրբուհի Գալյանը:

Սա կլիներ ծիծաղելի, եթե պատկերը չլիներ այդքան տխուր: Նկատի ունեմ արտահայտության՝ ԴԵՌ ձևակերպումը: Ի՞նչ է նշանակում ԴԵՌ, երբ այդպիսի դեպքերը հենց վերջին տարիներին են դարձել «շքերթի» նման, ինչ որ կանոնավոր պարբերականությամբ: Մեր երկրում նախկինում այդպիսի դեպքերը եղել են անհամեմատ ավելի հազվադեպ, բացառիկ: Հետևաբար «ԴԵՌ գրանցվում» են արտահայտությունը հնչում է զավեշտալի, որովհետև ներկայումս պարզապես քրեական ռազբորկաների սիրահարները իրենց սկսում են զգալ ինչպես ձուկը ջրում»: