«Մենք չենք ձգտում միջուկային զենք ստեղծել»․ Փեզեշքիան

Իրանը միջուկային զենք մշակելու մտադրություն չունի և պատրաստ է այս հարցում ցանկացած ստուգման։ Այս մասին հայտարարել է Իսլամական Հանրապետության նախագահ Մասուդ Փեզեշքիանը՝ Իսլամական հեղափոխության հաղթանակի 47-րդ տարեդարձի կապակցությամբ ուղերձում։

«Մենք ազնիվ ենք աշխարհի և մեր ժողովրդի առաջ։ Մենք չենք ձգտում միջուկային զենք ստեղծել։ Մենք բազմիցս հայտարարել ենք այս մասին և պատրաստ ենք ցանկացած տեսակի ստուգման։ Սակայն ԱՄՆ-ն ու Եվրոպան իրենց հայտարարություններով անվստահության բարձր պատ են կառուցել, որը թույլ չի տալիս, որ այդ բանակցություններն արդյունք ունենան»,- նշել է նա։