Բողոքի ակցիա ԱՄՆ-ում՝ ընդդեմ Հայ Առաքելական եկեղեցու դեմ բռնաճնշումների

ԱՄՆ-ում հայ համայնքի ներկայացուցիչները բողոքի ակցիա է կազմակերպել Հյուսիսային Ամերիկայի Արևմտյան թեմի առաջնորդանիստ Սբ. Ղևոնդյաց եկեղեցու բակում՝ ընդդեմ Հայ Առաքելական եկեղեցու դեմ բռնաճնշումների։ Նրանք հանդիպում են պահանջել թեմի առաջնորդ Հովնան արքեպիսկոպոս Տերտերյանի հետ, սակայն ապարդյուն:

«Ամերիկայում հոգևոր հայրերը միացե՞լ են եկեղեցու դեմ պայքարին», «Մարդիկ ուզում են խոսել թեմի առաջնորդի հետ, բայց չեն կարողանում», «Դուք պատշա՞ճ եք համարում, որ այսօր եկեղեցին բարեփոխելու են դուրս եկել ամենապիղծ հոգևորականները»․ ակցիայի մասնակիցներն իրենց հուզող այս և այլ հարցեր ուղղել են իրենց հետ հանդիպման եկած հոգևոր հովվին, ով վստահեցրել է, որ այդ մտահոգությունները կփոխանցի արքեպիսկոպոսին։