Մեսին գնել է ֆուտբոլային ակումբ

Արգենտինայի ազգային հավաքականի և «Ինտեր Մայամիի» ֆուտբոլիստ Լիոնել Մեսին գնել է կատալոնական «Կորնելյա» ակումբը, որը Իսպանիայի երրորդ դիվիզիոնի ակումբ է։
Լուրը հայտարարվել է Կորնելյայի պաշտոնական կայքում։ Արգենտինացի հարձակվողն այժմ ակումբի բաժնետոմսերի 100%-ի սեփականատերն է։
«Կորնելյան» գոյություն ունի 1951 թվականից։ Հիմնադրումից ի վեր ակումբը հիմնականում մրցել է տարածաշրջանային առաջնություններում։

Կատալոնացիների ամենամեծ նվաճումներից մեկը 2021 թվականի հունվարի 6-ին «Ատլետիկո Մադրիդի» նկատմամբ տարած 1-0 հաշվով հաղթանակն էր Իսպանիայի գավաթի խաղարկության 1/32 եզրափակչում։