«Լիբանանն ու Իսրայելը համաձայնության են եկել. սա կլինի իմ 10-րդը». Թրամփ

Լիբանանն ու Իսրայելը համաձայնության են եկել 10-օրյա հրադադարի շուրջ, որը ուժի մեջ կմտնի Երևանի ժամանակով ժամը 1:00-ին: ԱՄՆ-ի նախագահ Դոնալդ Թրամփն այս մասին հայտարարել է TruthSocial սոցիալական ցանցում։

«Հրադադարը կսկսվի...

Ես հենց նոր հիանալի զրույցներ ունեցա Լիբանանի բարձր հարգանքի արժանացած նախագահ Ջոզեֆ Աունի և Իսրայելի վարչապետ Բիբի Նեթանյահուի հետ։

Այս երկու առաջնորդները համաձայնության են եկել, որ իրենց երկրների միջև ԽԱՂԱՂՈՒԹՅԱՆ հասնելու համար նրանք պաշտոնապես կսկսեն 10-օրյա հրադադար Արևելյան ժամանակով ժամը 17:00-ին։

Ես հանձնարարել եմ փոխնախագահ Ջ.Դ. Վենսին և պետքարտուղար Ռուբիոյին, ինչպես նաև Շտաբների պետերի միացյալ կոմիտեի նախագահ Դեն Ռասին Քեյնին համագործակցել Իսրայելի և Լիբանանի հետ՝ երկարատև ԽԱՂԱՂՈՒԹՅԱՆ հասնելու համար։

Իմ պատիվն էր աշխարհում 9 պատերազմ լուծելը, և սա կլինի իմ 10-րդը, այնպես որ եկեք ԱՆԵՆՔ ԴԱ»,- գրել է Թրամփը։