Պեկինում հայտնաբերվել են Ասիայում Յուրայի դարաշրջանի երկկենցաղի առաջին հետքերը

Պեկինի մոտակայքում հայտնաբերվել են երկկենցաղների քարացած ոտնահետքեր, որոնք թվագրվում են միջին յուրայի ժամանակաշրջանին (174.7–161.5 միլիոն տարի առաջ), ինչը Ասիայում նման առաջին հնագիտական ​​​​գտածոն է, հայտնում է Xinhua-ն։

Նշվում է, որ քարացած հետքերը նույն սալաքարի վրա հայտնաբերված երկու ոտնահետքեր են։ Հետազոտությունները ցույց են տվել, որ հետքերը, հավանաբար, թողել է նույն կենդանին տեղաշարժման ժամանակ։ Հետքերից մեկը բավականին հստակ պահպանվել է. այն ունի 1.5 սանտիմետր երկարություն և 1.3 սանտիմետր լայնություն։

Մասնագետները նշում են, որ այս հայտնագործությունը օգնում է լրացնել Ասիայում յուրայի դարաշրջանի երկկենցաղների ուսումնասիրության բացերը: Այն նաև նոր տեղեկություններ է տրամադրում 160 միլիոն տարի առաջ Հյուսիսային Չինաստանի պալեոաշխարհագրության, պալեոէկոլոգիայի և կենսաբազմազանության վերաբերյալ հետազոտությունների համար: Նաև նշվում է, որ հետքերի վերլուծությունը ենթադրում է, որ դրանք, հավանաբար, պատկանում են սալամանդրի ենթադասին: