«Թալանի դեմ պայքարի կարգախոսով եկան, իրենք են թալանում». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Թալանի դեմ պայքարի կարգախոսով եկան, իրենք են թալանում
Գժվելու բան է, աննորմալություն։ Հայաստանի ՔՊ-ական իշխանությունը 2025 թվականին 2 միլիարդ 800 միլիոն դոլար վարկ է վերցրել, որ այդ գումարով հին վարկերի մի մասը ու դրանց տոկոսները փակի։ Ընդդիմադիր պատգամավոր եղած ժամանակ Նիկոլ Փաշինյանը խորհրդարանում ո՞նց էր գոռում, որ իշխանությունը վարկեր է վերցնում, սերունդներին պարտքերի մեծ բեռի տակ գցում։ Նիկոլ Փաշինյանի իշխանությունը անցած 7,5 տարում ավելի քան կրկնապատկել է ՀՀ պետական պարտքը, արտերկրից նոր վարկեր է վերցնում, որ իր խոսքերով՝ 7 տարի առաջին դասարանում մնացած, անարդյունավետ աշխատող նախարարներին, փոխնախարարներին, վարչությունների պետերին, կոճակ սեղմող ԱԺ պատգամավորներին միլիոնավոր դրամների պարգևավճարներ բաժանի։ 2025 թվականին Տավուշի մարզպետ, Նիկոլ Փաշինյանի քավոր Հայկ Ղալումյանը և մարզպետարանի պաշտոնյաները վարկերի տակ կքած ՀՀ պետբյուջեից ստացել են 65 միլիոն 893 հազար 600 դրամ պարգևավճար։ Համայնքների խոշորացումից հետո մարզպետարանները դարձել են ավելորդ, կառավարության գործառույթները կրկնող կառույցներ։ Դրանք անմիջականորեն ղեկավարում են գյուղական բուժհիմնարկները և մարզի հանրակրթական դպրոցները՝ բացառությամբ ավագ դպրոցների և վարժարանների։ Մարզպետարանները դրանք ղեկավարում են համապատասխան նախարարությունների՝ առողջապահության և ԿԳՄՍ նախարարության հետ համատեղ: Ավելորդ կառույց մարզպետարանների պաշտոնյաները ոչ միայն բարձր ռոճիկ են ստանում, այլ նաև՝ ճոխ պարգևավճարներ։ Իսկ ծայրահեղ աղքատները աղբանոցներում սննդի մնացորդներ են հավաքում, դրանով յոլա գնում»: