«ԵՄ-ԱՄՆ հարաբերություններում խորանում է բանավեճ՝ ուժն է ծնո՞ւմ իրավունք, թե՞ իրավունքն ինքնին ուժ է». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Մյունխենում ԵՄ անդամների շրջանում տարաձայնություններ ծագեցին ԱՄՆ նախագահ Թրամփի կողմից Ուկրաինայի հանդեպ վարվող բռնաճնշման քաղաքականության հակառակորդների և կողմնակիցների միջև։ Այսինքն՝ նախագահ Թրամփի կողմից Ուկրաինային արմատական զիջումների մղող պաշտոնական Վաշինգթոնի քաղաքականության առաջին էական արդյունքը ԵՄ միասնության խաթարումն եղավ։ Կարելի է ասել, որ ԵՄ/ԱՄՆ հարաբերություններում խորանում է բանավեճն այն մասին, թե արդյոք ուժն է ծնում իրավունք, թե իրավունքն ինքնին ուժ է։ Հայաստանն այս հարցում ուժի կիրառման «իրավաչափության» օրինակ է, քանի որ այդ սկզբունքի արդիականացման՝ բռնության զոհ դարձած ու այդ կարգավիճակին պետականորեն համակերպված պետություն է։ Այդ իսկ պատճառով պաշտոնական Երևանն այսօր Թրամփի ճամբարում է։ Դեռ վաղ է խոսել, թե դա ինչ կոնկրետ հետևանքներ կունենա մեր երկրի համար»: