«ԲԴԽ հայտարարության բովանդակությունն անընդունելի է»․ Ռուբեն Մելիքյան

Փաստաբան Ռուբեն Մելիքյան ֆեյսբուքյան ուղիղ եթերում անդրադարձել է ԲԴԽ-ի հայտարարությանը՝ ընդգծելով, որ այն անընդունելի է։ «Բարձրագույն դատական խորհուրդն անընդունելի հայտարարություն է արել․ անթաքույց ձևով փորձ է արվում լռեցնել փաստաբաններին, իրավապաշտպաններին, իշող ռեժիմի ապօրինությունների մասին բարձրաձայնողներին․․․

Այսինքն՝ չենք կարող քննադատե՞լ, եթե քաղաքացին, փաստաբանը որևէ վիրավորանք թույլ չի տալիս, անձնական որակումներ չի տալիս, արատավորող տեղեկություն չի տալիս, որտե՞ղ է գրված, որ իրավունք չունենք քննադատելու։ Սա փաստաբանությանը լռեցնելու, փաստաբաններին հատկապես, ինչպես նրանք են նշում իրենց հայտարարության մեջ, լսարան ունեցող փաստաբանների նկատմամբ ռեպրեսիվ քայլեր ձեռնարկելու սպառնալիք է, անընդունելի սպառնալիք է, և ես կարծում եմ, որ սրան պետք է արձագանքել շատ հստակ։ Դատական իշխանությունը իրավունք չունի փաստաբաններին պարտադրի, թե ինչպես իրենք կարող են իրենց պաշտպանյալների շահերը պաշտպանել։ Եվ առհասարակ լավ կլինի, որ մարդիկ իրենց հեղինակության մասին մտածեն ոչ թե օրենքի արգելքներով, այլ բովանդակային առումով»,- նշել է փաստաբանը։