Նոր մանրամասներ` Լիբիայի բանակի ԳՇ պետի ինքնաթիռի աղետից

Անկարայում կործանված լիբիական ինքնաթիռում Ֆրանսիայի երեք քաղաքացիներ են եղել, հայտնել է Թուրքիայում Ֆրանսիայի դեսպանատունը։
Falcon 50 մասնավոր ինքնաթիռի անձնակազմը բաղկացած էր երեք անձից, բոլորը՝ ֆրանսիացիներ։ Դիվանագիտական ​​առաքելությունը հայտարարել է, որ կապի մեջ է թուրքական իշխանությունների հետ՝ զոհերի ինքնությունը հաստատելու համար։

Ավիաաղետը տեղի է ունեցել երեքշաբթի՝ դեկտեմբերի 24-ին, Անկարայի մոտակայքում։ Ինքնաթիռում է եղել Լիբիայի բանակի գլխավոր շտաբի պետ Մոհամմեդ Ալի Ահմեդ ալ-Հադդադը։

Թուրքիայի մայրաքաղաքի աղբյուրների համաձայն՝ Էսենբողա օդանավակայանից թռիչքից կարճ ժամանակ անց անձնակազմը էլեկտրահամակարգի խափանման տագնապ է տվել և թույլտվություն է խնդրել վերադառնալու մեկնման օդանավակայան։ Թուրքիան ձեռնարկել է բոլոր անհրաժեշտ նախապատրաստական ​​​​աշխատանքներն արտակարգ վայրէջքի համար, սակայն ինքնաթիռը շուտով անհետացել է ռադարներից։

Թուրքիայի տրանսպորտի նախարար Աբդուլքադիր Ուրալօղլուի խոսքով՝ Անկարայից ժամը 20:17-ին մեկնած մասնավոր ինքնաթիռը ժամը 20:31-ին հայտնել է էլեկտրական խնդիրների մասին և խնդրել է վերադարձի չվերթ։ Ժամը 20:32-ին Թուրքիան օդաչուին տրամադրել է Էսենբողա օդանավակայանի վերադարձի հեռավորության տվյալները, որը անմիջապես փակվել է մյուս բոլոր չվերթների համար։ Սակայն, ժամը 20:38-ին ինքնաթիռն անհետացել է ռադարներից, իսկ դրա բեկորները հայտնաբերվել են ժամը 22:00-ին։