«Բռնությունը գործիքակազմ դարձրածներն ամենաբարձրն են գոռում, թե դեմ են բռնությանը»․ Վահագն Սարոյան

Ռազմական փորձագետ Վահագն Սարոյանի ֆեյսբուքյան գրառումը․ «Հիշում եք չէ՞ հայտնի ասացվածքը՝ «գողն ամենաբարձրն է գոռում՝ բռնեցեք գողին», այսօր էլ նույն սցենարով բռնությունը սեփական գործիքակազմ դարձրածներն ամենաբարձրն են գոռում, թե դեմ են բռնությանը:
Այդ նույն սկզբունքով է նաև այն, որ Եկեղեցին ասպատակելու ժամանակ եկեղեցում ծնկելով մեղքերը չի պարզաջրվում, հետևապես, բռնությանը դեմ արտահայտվելով էլ բռնությունից սեփական ձեռքերը չեն մաքրվում:
Հայաստանը բռնատիրություն դարձրին, այլակարծիք քաղաքացին հալածվում է, իշխանության տեսակետը չկիսող ու դրա մասին բաձրաձայնող քաղաքացին հետապնդվում է, իշխանության սխալները վեր հանող ու քննադատող քաղաքացիները ձերբակալվում են ու կալանավորվում, միայն նրա համար, որ ուրիշ տեսակետ ունեն: Խոսքի ազատությունը քրեական ծիծաղելի հետապնդումներով լռեցնելու փորձերից զատ, հիմա էլ անցել են «բեսպրեդելի» գործիքակազմի կիրառությանը»: