Բրիտանացի խորհրդարանականները պահանջել են արմատապես փոխել BBC-ի աշխատանքը

Բրիտանական խորհրդարանի անդամները պահանջել են արմատական ​​փոփոխություններ կատարել BBC-ի աշխատանքում, այն բանից հետո, երբ գլխավոր տնօրեն Թիմ Դեյվին և լրատվական բաժնի ղեկավար Դեբորա Թըրնեսը հրաժարական են տվել՝ ԱՄՆ նախագահ Դոնալդ Թրամփի ելույթի խմբագրման շուրջ սկանդալի ֆոնին։

Պահպանողական առաջնորդ Քեմի Բադնոկը կարծում է, որ կորպորացիայի կողմից ԱՄՆ-ում և Մերձավոր Արևելքում տեղի ունեցող իրադարձությունների լուսաբանումը պահանջում է ամբողջական վերանայում։ Դրա օրակարգը այլևս չպետք է «ձևավորվի գաղափարախոսական ակտիվիստների խմբավորման կողմից»։

Աջակողմյան պոպուլիստական «Reform UK» ​​կուսակցության առաջնորդ Նայջել Ֆարաժը Դեյվիին մեղադրել է «երկակի ստանդարտների» մեջ։ «Կառավարությունը պետք է նշանակի մեկին, ով փորձ ունի ընկերությունները և դրանց կորպորատիվ մշակույթները վերակառուցելու հարցում»,- կարծում է քաղաքական գործիչը։

Պահպանողական պատգամավոր, նախկին արտգործնախարար Ջեյմս Քլեվերլին ասել է, որ BBC-ի խնդիրը «սեփական կողմնակալությունը ճանաչելու անկարողությունն է»։