Ադրբեջանը հրաժարվել է մասնակցել Եվրոնեսթի երևանյան նստաշրջանին

Ադրբեջանը հրաժարվել է մասնակցել «Եվրոնեսթ» խորհրդարանական վեհաժողովի 12-րդ լիագումար նիստին, որը տեղի կունենա Երևանում՝ հոկտեմբերի 28-30-ը: Այս մասին հայտնել է «Եվրոնեսթում» ադրբեջանական պատվիրակության ղեկավար Թահիր Միրկիշիլին։ Նրա խոսքով՝ Եվրոխորհրդարանի փաստաթղթերն ու հայտարարությունները, որոնք կազմում են «Եվրոնեսթ» ԽՎ-ի գործունեության կեսը, հակասում են Ադրբեջանի ինքնիշխանությանը և տարածքային ամբողջականությանը։

Միրկիշիլին նաև նշել է, որ որոշումը կապված չէ այն փաստի հետ, որ միջոցառումն անցկացվում է Հայաստանում: