«Իսրայելին թույլտվություն պետք չէ Գազային հարվածելու համար»․ Նեթանյահու

Իսրայելը չի ​​խնդրի թույլտվություն Գազայի հատվածում կամ Լիբանանում թիրախներին հարվածելու համար։ Չնայած հրադադարի համաձայնագրին՝ այս մասին հայտարարել է Իսրայելի վարչապետ Բենիամին Նեթանյահուն։
«Իսրայելը անկախ պետություն է։ Մենք կպաշտպանվենք մեր սեփական միջոցներով և կշարունակենք որոշել մեր ճակատագիրը», - ասել է Նեթանյահուն կառավարության նիստում (մեջբերում է AFP-ն)։ Նա հավելել է, որ Իսրայելի գլխավոր առաջնահերթությունը նրա անվտանգությունն է։

Միայն Իսրայելն է որոշելու, թե որ երկրներին թույլ կտա միանալ Գազայում նախատեսված միջազգային անվտանգության ուժերին, ասել է վարչապետը։