«ԱՄՆ-ն օգնում է Կիևին՝ հարվածել ռուսական էներգետիկ օբյեկտներին»․ #FT

ԱՄՆ-ն մի քանի ամիս է, ինչ Ուկրաինային տրամադրում է հետախուզական տվյալներ՝ օգնելով Կիևին հարվածել ռուսական էներգետիկ օբյեկտներին, հաղորդում է Financial Times-ը՝ հղում անելով ամերիկացի և ուկրաինացի պաշտոնյաներին։

Թերթը գրում է, որ ԱՄՆ-ի կողմից տրամադրված տեղեկատվությունը թույլ է տվել Կիևին հարձակվել մի քանի թիրախների վրա, այդ թվում՝ «առաջնագծից հեռու» գտնվող նավթավերամշակման գործարանների վրա։ FT-ի աղբյուրների համաձայն՝ Ուկրաինան ընտրել է թիրախները, իսկ Վաշինգթոնը տեղեկատվություն է տրամադրել դրանց խոցելիության մասին։ Ամերիկյան հետախուզությունը օգնել է Կիևին պլանավորել հարվածների երթուղին, բարձրությունը, ժամանակը և մարտավարությունը՝ թույլ տալով ուկրաինական անօդաչու թռչող սարքերին խուսափել հակաօդային պաշտպանությունից։