«Համաձայնագրի ստորագրման համար Բաքուն սպասում է ՀՀ Սահմանադրության փոփոխություններին»․ Ամիրբեկով
![]() Վաշինգթոնում փաստաթղթի ստորագրումը հաստատում է Ադրբեջանի խաղաղության օրակարգը։ Այս մասին հայտնել է Ադրբեջանի նախագահի հատուկ ներկայացուցիչ Էլչին Ամիրբեկովը։ «Ադրբեջանի և Հայաստանի միջև խաղաղության համաձայնագրի նախաստորագրման մասին դրույթը ճանաչում է, որ համաձայնագրի ստորագրման և վավերացման համար անհրաժեշտ են հետագա գործողություններ, այսինքն՝ համաձայնագրի ստորագրումն ապահովելու համար Բաքուն ակնկալում է, որ Հայաստանի Սահմանադրությունում կկատարվեն փոփոխություններ՝ Ադրբեջանի նկատմամբ դեռևս գոյություն ունեցող տարածքային պահանջները վերացնելու համար»,- նշել է դիվանագետը։ Ամիրբեկովի խոսքով՝ համատեղ հռչակագրի հիմնական դրույթներից մեկը երկու երկրների միջև տրանսպորտային և հաղորդակցման կապերի ապաշրջափակման պարտավորությունն է, մասնավորապես՝ Ադրբեջանի հիմնական մասի և Նախիջևանի Ինքնավար Հանրապետության միջև անխոչընդոտ հաղորդակցության ապահովման անհրաժեշտությունը։ Ինչպես հայտնի է, համաձայնագրի շրջանակներում Միացյալ Նահանգները կօգնի կառուցել «Միջազգային խաղաղության և բարգավաճման համար Թրամփի երթուղու» (TRIPP) տարանցիկ միջանցքը։ «Իսկ TRIPP-ը հաղորդակցության ԱՄՆ հատուկ նախագիծ է, որը պետք է իրականացվի Հայաստանի տարածքում՝ Թրամփի ուղին միջազգային խաղաղության և բարգավաճման համար»,- նշել է Ամիրբեկովը։ «Նաև Մինսկի խմբի և դրան առնչվող կառույցների լուծարման վերաբերյալ ԵԱՀԿ գործող նախագահին ուղղված համատեղ կոչը ևս մեկ կարևոր քայլ է խաղաղության և կարգավորման հիմնական խոչընդոտներից մեկի վերացման ուղղությամբ»,- ասել է Ամիրբեկովը։ |

«Եթե կգտնեք, իմ աչքը կմտցնեք սահմանադրության այն կետը, որով օտար շահ է սպասարկվում»․ Սրբուհի Գալյան (տեսանյութ)
521:18
«Արագ դուրս եկար ստեղից, դավայ, դուրս եկար»․ Ռուբեն Ռուբինյանը՝ Էդգար Ղազարյանին (տեսանյութ)
7121:00
«Լափամանից փայ եք ունեցել, կտրվել եք, դրա համա՞ր եք մրմռում»․ Նիկոլ Փաշինյանը՝ Արեգա Հովսեփյանին (տեսանյութ)
5920:54
Նիկոլ Փաշինյանի ակնարկներն ընդդիմության երաշխավորների՝ «Վասիլիչի» և «Նիկոլայիչի» մասին (տեսանյութ)
7820:24
«Անշրջելի խաղաղության ճանապարհին մի խոչընդոտ ունենք՝ խորհրդարանական ընդդիմությունն է»․ Նիկոլ Փաշինյան (տեսանյութ)
6820:00
«Ժանրի կանոնները պահանջում են, որ ձեզ ասեմ՝ Ալիևի աբսլուգ, բայց ես դա չեմ անի»․ Մեսրոպ Մանուկյան (տեսանյութ)
8819:36
