«Փեզեշքիանն ամառվա ընթացքում կայցելի Հայաստան». Սոբհանի

Իրանի նախագահ Մասուդ Փեզեշքիանը կայցելի Հայաստան ամռան ընթացքում։ Թեհրանն ու Երևանը շարունակում են նախապատրաստվել այցին։ Այս մասին հայտարարել է Հայաստանում Իրանի դեսպան Մեհդի Սոբհանին։

«Կողմերն ակտիվորեն պատրաստվում են Իրանի նախագահի այցին։ Այցը կարող է տեղի ունենալ մինչև ամռան վերջ», - ասել է դեսպանը։

Սոբհանին նաև նշել է, որ նախապատրաստական ​​աշխատանքների շրջանակներում հանդիպումներ է ունեցել ՀՀ ԱԳՆ ներկայացուցիչների հետ, և կողմերը համաձայնեցրել են երկու երկրների կառավարությունների միջև ստորագրվելիք փաստաթղթերի տեքստերը։

Հիշեցնենք՝ ավելի վաղ ՀՀ էկոնոմիկայի նախարար Գևորգ Պապոյանը հայտարարել էր, որ Իրանի և Իսրայելի միջև հակամարտությունը բացասաբար է անդրադառնում հայկական առևտրի վրա, և շատ հայկական բեռներ մնացել են Բանդար Աբբասի նավահանգստում։