«Մի՛ սպանիր»․ Զելենսկին Պուտինի համար կանոններ է թվարկել

ՆԱՏՕ-ի գագաթնաժողովին մասնակցելու նպատակով Հաագայում գտնվող Ուկրաինայի նախագահ Վլադիմիր Զելենսկին Նիդերլանդների Ներկայացուցիչների պալատում իր ելույթի ժամանակ ՌԴ նախագահ Վլադիմիր Պուտինի համար կանոններ է թվարկել։

«Պուտինի համար շատ հստակ է. կան կանոներ՝ մի՛ սպանիր, մարդկանց հետ մի՛ վարվիր կենդանու պես, մի՛ վառիր քաղաքներն ու գյուղերը, մի՛ արդարացրու կամ մի՛ հովանավորիր ահաբեկչությունը, մի՛ գողացիր, մի՛ առևանգիր երեխաներին։ Եվ եթե խախտում ես նման կանոնները, պետք է պատասխանատվություն կրես»։
Զելենսկու խոսքով՝ եթե Ռուսաստանը տեսնի, որ Եվրոպայի միասնությունը վերացել է, «իր ագրեսիայի դեմ ոչ մի հնարավորություն չի մնա»։
Ավելի վաղ Զելենսկին եվրոպական երկրներին խնդրել էր վարկով ֆինանսավորել Ուկրաինայի պաշտպանական արդյունաբերությունը։