«Նիկոլ Փաշինյանը ոչ թե գյուղացուն հանում է ցեխից, այլ՝ ցեխն է գցում ու տրորում». Պռոշյան համայնքի բնակչուհի

«25 համարի ավտոբուսը պետք է մնա։ Նիկոլ Փաշինյանն ասում է գյուղացուն ցեխից հանում ենք, ոչ թե գյուղացուն հանում է ցեխից, այլ՝ ցեխն է գցում ու տրորում»,- ասում է Պռոշյան համայնքի բնակիչը։ Նրանք բողոքում են, որ Գագիկ Ծառուկյանի տղան է տենդերը շահել, ու մեկ այլ երթուղի է սպասարկելու, որն ավելի թանկ է, «օլիգարխների դեմը խաղ չկա»,- ասում է բնակչուհին։
Հիշեցնենք՝ որոշում է կայացվել Կոտայքի մարզի միջմարզային և ներմարզային կանոնավոր փոխադրումների չվացուցակները և երթուղիների սխեմաները հաստատելու մասին, համաձայն որի Պռոշյան-Երևան ուղևորափոխադրումը պետք է իրականցնի «ՄուլտիՏրանսպորտ» ՍՊԸ-ին պատկանող թիվ 277 միկրոավտոբուսով: Երթուղու սկզբնակետը գյուղ Պռոշյանն է, վեջնակետը՝ Երևանի ֆիզիկայի ինստիտուտը։ Երթուղու երկարությունը 15 կմ է, տևողությունը 20 րոպե, ուղեվարձը՝ 250 դրամ, տրանսպորտային միջոցների քանակը՝ 6, աշխատանքային ժամերը՝ առավոտյան ժամը 07:00-ից մինչև 19:00-ն: Այժմ Երևանի հետ կապը ապահովում է «Երևան Տրանսպորտ» ՓԲԸ-ին պատկանող թիվ 25 երթուղիով, ուղեգիծը՝ Պռոշյան-Ավան-Զեյթուն, շաբաթ օրը այս երթուղին դադարելու է գործել։