Երևան`   +8 °C
Այսօր`   Կիրակի, 14 դեկտեմբերի, 2025 թ.

«ԱՄՆ-ի և Ռուսաստանի միջև բանակցությունների մեկնարկից հետո կընդգրկվեն Կիևի և Եվրոպայի ներկայացուցիչներ». Մարկո Ռուբիո

1115
Կիրակի, 16 փետրվարի, 2025 թ., 21:08
«ԱՄՆ-ի և Ռուսաստանի միջև բանակցությունների մեկնարկից հետո կընդգրկվեն Կիևի և Եվրոպայի ներկայացուցիչներ». Մարկո Ռուբիո

ԱՄՆ-ի և Ռուսաստանի միջև Ուկրաինայում պատերազմին վերջ տալու բանակցությունները դեռևս չեն սկսվել, և Եվրոպան կարող է հետագայում ներգրավվել այս գործընթացում. Այս մասին CBS հեռուստաալիքի եթերում հայտարարել է ԱՄՆ-ի պետքարտուղար Մարկո Ռուբիոն։
«Նախ, կարծում եմ, որ մենք պետք է հասկանանք, որ այս պահին գործընթաց չկա։ Այն, ինչ մենք այս պահին ունենք, Պուտինի և ԱՄՆ նախագահ Դոնալդ Թրամփի միջև զրույցն է, որում երկու կողմերն էլ շահագրգռվածություն են հայտնել դադարեցնելու այս հակամարտությունը»,- ասել է նա։

ԱՄՆ-ի և Ռուսաստանի միջև բանակցությունների մեկնարկից հետո ինչ-որ փուլում կընդգրկվեն Կիևի և Եվրոպայի ներկայացուցիչներ, հավելել է Ռուբիոն։

Ռուբիոն նաև ասել է, որ ԱՄՆ-ն և Ռուսաստանը «պետք է ապահովեն Մոսկվայում և Վաշինգթոնում դեսպանատների բնականոն գործունեությունը»՝ Ուկրաինայի հարցով բանակցություններ վարելու համար։

«Ամենատարրական մակարդակում, եթե մենք իսկապես ցանկանում ենք խաղաղություն հաստատել ռուսների հետ հարաբերությունների միջոցով, մենք պետք է ունենանք գործող դեսպանություններ Մոսկվայում և Վաշինգթոնում»,- ասել է նա։