Թրամփի վարչակազմը ցանկանում է, որ Եվրոպան Ուկրաինայի համար ամերիկյան զենք գնի. #Reuters

ԱՄՆ նախագահ Դոնալդ Թրամփի վարչակազմը մտադիր է հասնել նրան, որ եվրոպացի դաշնակիցները սկսեն ամերիկյան զենք գնել Ուկրաինայի համար: Այս մասին հայտնում է Reuters-ը՝ վկայակոչելով իր աղբյուրներին: Վերջիններս նշել են, որ Թրամփի վարչակազմի պաշտոնյաներն այս շաբաթ Մյունխենի անվտանգության համաժողովում կքննարկեն այդ հարցը: Նպատակն է՝ շարունակել մատակարարումները՝ առանց մեծ ծախսերի: Ուկրաինայի հարցով բանագնաց Քիթ Քելլոգը հրաժարվել է հաստատել կամ հերքել այդ գաղափարի մասին լուրը՝ ասելով միայն, որ «Միացյալ Նահանգները միշտ սիրում է վաճառել ամերիկյան արտադրության զենքեր, քանի որ դա ուժեղացնում է երկրի տնտեսությունը»: