«ԵՊՀ-ի դասախոսն այս գրառման համար ևս ստիպված կլինի պատասխան տալ դատարանում». Միքայել Բադալյան

Ուրարտագետ Միքայել Բադալյանը ֆեյսբուքյան իր էջում գրել է. «Ֆեյսբուքյան օգտատեր Յուլիա Անտոնյանը, ով հանդիսանում է Երևանի պետական համալսարանի դասախոս, կրկին անմասն չի մնացել իմ անձի վերաբերյալ անպարկեշտ և վիրավորական արտահայտություններ անելուց: Սակայն, այս անգամ, Յուլիա Անտոնյանն անդրադարձել է նաև իմ ընտանիքին: Նա, մասնավորապես, նշել է, որ եթե ստացվի այնպես, որ եթե դատարանի վճռով նախատեսված գումարը իրենից զոռով պոկեն, ապա նա համոզված է, որ դա միայն դժբախտություններ կբերի ինձ և իմ ընտանիքին:
Յուլիա Անտոնյանը, ով պատմական գիտությունների թեկնածու է (ատենախոսության թեման՝ «Մոգական հեքիմությունը և գուշակությունը Հայաստանում»), իր այս գրառման համար ևս ստիպված կլինի պատասխան տալ դատարանում:
Ինքս, ամենայն անկեղծությամբ, ցանկանում եմ, որպեսզի Յուլիա Անտոնյանի ընտանիքի անդամները զերծ մնան դժբախտություններից:
Աստծով»: