«Նիկոլի արածը գիտակցված ու պլանավորած հանցագործություն է». Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. «90-ականներին մի ծանոթ ունեի, որ կատարյալ լսողություն ու բնատուր դերասանական տաղանդ ունենալով՝ կարող էր 10–20 րոպե անդադար խոսել «արաբերեն», «ֆրանսերեն», «իտալերեն» և լեզուները չիմացող մարդուն կթվար, թե շատ լուրջ ինչ-որ բան ա ասում։
Իրականում արաբերենի, ֆրանսերենի, իտալերենի պես հնչող ձայների բուռն, բայց լրիվ անիմաստ հոսք էր։
Այնքան բնական էր միմիկան, առոգանությունը... Կխոսեր-կխոսեր, մեկ էլ հանկարծ պաուզա կտար, հոնքը կբարձրացներ և ուշադիր կնայեր զրուցակիցներին, հետո ձայնը կբարձրացներ (այդ պահին թվում էր, թե հիմա շատ, շատ կարևոր ինչ-որ բան է ասում)... կարող էր թվալ, թե արաբ հեղափոխական է, որը կոչ էր անում միանալ իրեն՝ Պաղեստինն ազատագրելու համար։
Նիկոլն էլ է շատ սահուն ու վստահ խոսում «ժողովուրդ», «ազգ», «ինքնություն» հասկացություններից։ Թեմաներից անտեղյակ մարդուն կարող է թվալ, թե շատ լուրջ բաներ է ասում, բայց իրականում կատարյալ զառանցանք է։
Սակայն ի տարբերություն ծանոթիս, սրա արածը շուլուխ չէ, այլ ազգի ապամոնտաժում։ Գիտակցված, կանխամտածված ու պլանավորած հանցագործություն, որն, ըստ էության, ցեղասպանության տարր է»: