«Ադրբեջանը կշարունակի աշխատել Հայաստանի հետ հարաբերությունների կարգավորման ուղղությամբ»․ Բայրամով

Ադրբեջանը կշարունակի աշխատել Հայաստանի հետ հարաբերությունների կարգավորման ուղղությամբ։ Ինչպես հաղորդում է ԱՊԱ-ն, այս մասին Թուրքիայի և Ուզբեկստանի ԱԳ նախարարների հետ հանդիպման արդյունքներով կայացած ասուլիսում ասել է Ադրբեջանի արտգործնախարար Ջեյհուն Բայրամովը։

Նա խոսել է Հայաստանի հետ խաղաղության պայմանագրի շուրջ աշխատանքների մասին՝ նշելով, թե մտահոգիչ են Հայաստանի Սահմանադրության մեջ և Ադրբեջանի վերաբերյալ իրավական այլ ակտերում «տարածքային պահանջներն ու ռևանշիստական ​​միտումները»։