«Տրանսպորտային համակարգ ներդնելու խնդիր ունենք». Նիկոլ Փաշինյան

«Դուք կո՞ղմ եք տրանսպորտի թանկացմանը»,-«Հանրային»-ի եթերում հարցազրույցի ժամանակ հարց ուղղվեց վարչապետ Նիկոլ Փաաշինյանին, ինչին նա պատասխանեց. «Ես կողմ եմ, որ Երևան քաղաքը ունենա տրանսպորտ և ոչ միայն այսօր, այլև հինգ, տասը, տասնհինգ տարի հետո: Երևան քաղաքը ժամանակին ունեցել է տրանսպորտային համակարգ՝ մետրո, տրամվայ, տրոլեյբուս, ավտոբուս: Այդ տրանսպորտային համակարգը մինչև վերջերս չի եղել. ինչո՞ւ, որովհետև այդ տրանսպորտային համակարգի կառավարման հիմքում տնտեսական արդյունավետության կամ հարատևության գաղափար և բանաձև չի դրվել»:

Վարչապետի խոսքով՝ այսօր տասնյակ գյուղերում և բնակավայրերում տրանսպորտային համակարգ ներդնելու խնդիր կա․ մարդիկ չեն կարողանում գյուղերից տեղաշարժվել, միակ տարբերակը տաքսիներն են, և տրնսպորտային համակարգը պետք է զարգանա, փոխվի: