«Տվեք հիմնավորում և ես խոստանում եմ, որ այդ հիմնավորումների հետևից կգնամ»․ Նիկոլ Փաշինյան

Վարչապետ Նիկոլ Փաշինյանը ֆեյսբուքյան եթերում խոսելով ՏԻՄ ընտրություններում ճնշումների ահազանգերի մասին, ասել է․ «Քաղաքացիներն իրենք իրենց իրավունքների համար պիտի պայքարեն և ուղիղ ասում եմ, որ կանգնած եմ բոլոր այն քաղաքացիների կողքին, ովքեր իրենց իրավունքների համար պայքարում են։ Բայց այդ պայքարն էլ պետք է լինի արդարացի, փաստարկված, հիմնավորված, որովհետև ուղղակի բանավոր և մերկապարանոց հայտարարությունների հիման վրա մենք չենք կարող գործել։ Եթե այսքան խոսում են, ահազանգում են՝ ուրեմն ինչ որ բան կա, բայց ես ասում եմ՝ ես չեմ կարող գործել առանց հիմնավորման, տվեք հիմնավորում և ես խոստանում եմ, որ այդ հիմնավորումների հետևից կգնամ։
Ցանկացած դեպք, որը հիմնավորվեց, լինելու են հետևանքներ։ Եվ այս ուղերձը տալիս եմ նաև մեր բոլոր գործընկերներին, պաշտոնյաներին, հանրապետական, մարզային, համայնքային լիազորություններով օժտված պաշտոնյաներին, բոլորիդ հրահանգում և հրամայում եմ ժողովրդավարության, ազատության, օրինականության կանոններից մի միլիմետր չշեղվեք, որ դեպքում շեղում եղավ՝ լինելու ա շատ կոշտ, անհամաչափ արձագանք»։