Փենթագոնի ղեկավարն Իսրայելում գաղտնի հանդիպել է Նեթանյահուի հետ

Փենթագոնի ղեկավար Փիթ Հեգսեթը գաղտնի այցով մեկնել է Իսրայել և հանդիպում ունեցել վարչապետ Բենիամին Նեթանյահուի հետ։ Այս մասին հայտնում է Axios-ը՝ հղում կատարելով իրազեկ աղբյուրներին։

Աղբյուրների տվյալներով՝ հանդիպումը տեղի է ունեցել երեկ։ Հանդիպման մանրամասները չեն հրապարակվում։

Պարբերականը նշում է, որ Հեգսեթի այցի մասին տեղեկությունը հայտնվել է ԱՄՆ նախագահ Դոնալդ Թրամփի՝ Իսրայելի խորհրդարանական ընտրություններում Նեթանյահուի թեկնածությանն աջակցելուց հետո։ Ընտրությունները նախատեսված են 2026 թվականի հոկտեմբերի 27-ին։

Բացի այդ նշվում է, որ հանդիպումը տեղի է ունեցել Իրանի դեմ լայնածավալ ռազմական գործողությունները վերսկսելու շուրջ ԱՄՆ-ի և Իսրայելի բանակցությունների ֆոնին։